魚味市場居酒屋 (已結業)

西环真系愈来愈多好野食， 今日就去邻近地铁站嘅食肆店内坐位不多，所以最好订位睇睇餐牌最吸引我当然系清酒，仲有我喜欢既热清酒。我觉得热清酒系好饮d，酒味香浓，更可以暖暖胃，有酒饮真系好爽。三文鱼鲜甜肥美牡丹虾肉质弹牙，虾膏带有甘香朴叶炭烧牛柳粒朴叶系一种比较耐热既树叶，上到枱一边细火烘焙保温，一边烤出朴叶既独特既焦香气，肉质轻腍既牛柳粒配上微辣惹味既黑椒烧汁酱，同朴叶既焦香气混合，引人一旧一旧往口送。坚推介叉烧拉面一个基本既酱油汤底加上大量炒至金黄既紫白洋葱，令成个汤底变得香甜，精美既半熟糖心蛋，缓缓流出黎既蛋黄，简直令人垂涎三尺，仲有炸莲藕脆片同有厚实口感既日式叉烧，唯独拉面较为逊色，面质比较淋，而弹性都比较弱炭烧活鳗鱼饭用上新鲜既白鳝，烧至表皮脆身，涂上日本鳗鱼汁慢烧，烧至酱汁渗入肉中，而肉质仍保持嫩滑，不过有些微碎骨，咸味之中带有少少甜，配上珍珠米煮成既香饭中，可以食上两碗以上