Cafe Siam (科士街) (已結業)

系西环地铁站对面见到有架泰国笃笃车头做代表嘅泰国餐, 疫情下无得旅行， 唯有食个泰国菜享受一下。  环境干净整洁， 餐厅一边放了泰国酱料装饰， 但设计比较西式化。  先嚟饮品先， 杂果清新梳打 + 啤酒。 杂果清新梳打放嘅都系新鲜生果， 有橙有芒果有青柠， 饮落好舒服。 冬阴公汤少不了， 叫咗个少辣味道啱啱好， 太辣我饮唔到喇。 材料好丰富又开胃， 2个人饮啱啱好。 样样都想食就最好叫个拼盘喇， 有虾饼， 春卷， 荷叶包鸡同串烧。 虾饼弹牙， 春卷香脆， 里面 d 料好丰富。  泰式炒金边粉包蛋， 卖相好靓， 蛋丝好薄， 金边粉炒得不油不腻， 价钱仲好合理㖭。 仲有我最钟意食嘅蒜香椒丝炒椰苗， 椰苗好新鲜幼嫩。