祥香茶餐廳 (已結業)

陪朋友到西环果头攞嘢，攞完嘢顺便喺西环食埋晏啦一于。大马路有间劲古老旧式嘅茶餐厅，应该叫冰室？就系祥香茶餐厅。因为真系好旧式，佢仲有卖埋啲蛋糕仔、蛋挞、老婆饼、椰挞。白色砖墙、旧式饭枱、木櫈一一都体现出呢间铺嘅年代。我哋叫咗两个猪扒鸡蛋饭加蕃茄汁，一个猪扒鸡蛋饭黑椒汁。仲有个食猪扒猪仔包。个饭餐总体系好食嘅，猪扒唔老唔太硬嘅，系我个黑椒汁比得少咗啲。我个frd就话猪扒猪仔包系伏嘅，买嚟食唔抵，佢自己喺屋企都整到，冇需要喺度食。