祥香茶餐廳 (已結業)

陪朋友到西環果頭攞嘢，攞完嘢順便喺西環食埋晏啦一於。大馬路有間勁古老舊式嘅茶餐廳，應該叫冰室？就係祥香茶餐廳。因為真係好舊式，佢仲有賣埋啲蛋糕仔、蛋撻、老婆餅、椰撻。白色磚牆、舊式飯枱、木櫈一一都體現出呢間鋪嘅年代。我哋叫咗兩個豬扒雞蛋飯加蕃茄汁，一個豬扒雞蛋飯黑椒汁。仲有個食豬扒豬仔包。個飯餐總體係好食嘅，豬扒唔老唔太硬嘅，係我個黑椒汁比得少咗啲。我個frd就話豬扒豬仔包係伏嘅，買嚟食唔抵，佢自己喺屋企都整到，冇需要喺度食。