4號烤吧 (已結業)

揀咗個魚豐盛套餐，套餐有一條烤魚、兩份小食、6串串燒同埋兩支大啤，完美組合。重慶豆花烤魚，烤魚十分嫩滑，上面有為數極豐嘅配菜，味道香濃，如果食嘢食得慢嘅朋友建議將半邊魚逗上嚟先，避免煮得過熟就可以保持到個滑嫩程度。酥炸雞軟骨，外層炸得極為酥脆，咬落脆卜卜嘅雞軟骨相當 Juicy，連埋面頭炸香咗嘅蒜粒一齊食就最好不過。瑞士汁雞翼，經典嘅香港香甜瑞士汁配以軟嫩滑嘅雞肉，好食到無朋友。燒韮菜同燒娃娃菜只係用椒鹽輕輕調味，已經惹味非常。串燒豬腩肉，豬頸肉醃得好好味，加上焦脆嘅外皮，讚。食到咁上下店員仲攞咗對骰盅嚟俾我哋玩，另外仲有一個有獎遊戲，三粒骰仔入面擲到一個三就送你一支啤酒，如此類推，真係有得食又有得玩。