夏雪 (已結業)

夏雪，大大话话由坚尼地城开始，已经食左四五年。想当年坚尼地城仲未有咁多甜品糖水舖，揾下揾下见到有间夏雪几特别，出名在呢甜品大大份，窝夫又够脆。的确，谂返起坚城果度都系一种回忆，无论系味道定环境。佢后期系大围开左一间分店，其实当我嚟讲仲方便左，而且地方又大左，等位时间又少左，照道理应该好正先系，但系，唔知点解始终欠缺啲嘢，欠缺嘅可能系一种感觉！环境：老老豆豆，环境真系好一般，讲衰啲直头冇乜心机装修咁，唔系话坚尼地城装得好靓，但系点睇都多啲心思！食物选择：由一开始坚城店，佢其实都叫多食物选择，当然有招牌窝夫，但仲有好多正野例如心太软，特色饮品，咖啡等等，不过食下食下，发觉食物选择愈来愈少，以前每种食物都有几种味，仲有啲配埋新鲜生果，而家以心太软为例，大围店只剩下紫薯一种口味。食物：紫薯心太软：份量都大，原来仲配埋窝夫，难怪价钱去到差唔多成旧水。窝夫唔洗多讲，好脆好正，外脆内软；蜜瓜香甜多汁；不过可惜主角心太软较腻，紫薯过浓，食到最后比较顶胃！香蕉朱古力麻薯窝夫：呢个甜品都几有惊喜，窝夫入面有麻薯，食落外脆内烟韧，感觉几特别，口感好有层次，未试过嘅朋友可以试下！不过讲真，呢度冇乜嘢可以选择，