芋圓一

营业中

休息中

今日喺港岛食完晚餐，好想食甜品，朋友住西营盘佢话屋企附近开咗一间专食竽圆的甜品舖头。坐地铁去到大学站，跟住行几分钟就到，非常方便。店铺全白色，门口有两张枱望住街景。原来楼上都有座位，简洁干净，最吸引就是长长的楼梯全黑白色，手绘好多图像，好文青feel。在枱上scan QR code 就可以落order， 做好后，店员就会送上。喺度一定要食芋圆，因为系店舖主打。每一粒芋圆，番薯圆，紫薯圆都非神烟韧，而仙草滑嘟嘟，仲放上红豆🫘，薏米，白玉，黑糖珍珠及丸子，真材实料。当然要配上黑糖煮的糖水，好丰富又好食。朋友喜欢食芋香仙草芋圆，主打汁系芋头做，其他材料一样有，如果喜欢食芋头嘅人必定要点。再加上必点手工大芒果糯米糍，糯米烟靭，而且非常薄皮，芒果又大大件，有口感又滋味。