LIFETASTIC (希慎廣場)

营业中

休息中

西瓜蛋糕相信大家都知道边间，但同一间餐厅原来唔净系得蛋糕，仲有得堂食餐。位于铜锣湾希慎广场3楼，餐厅有出面同入面两部分，不过通常都排长龙。牛油果大虾芝士焗大啡菇（2件）$78虽然净系得两件，但都落足心机，牛油果蓉加埋芝士，虾都弹牙，最紧要系旧菇好juicy。烧汁烤原只春鸡 $178烧春鸡好大只，而且肉质鲜嫩多汁，薯蓉底捞埋肉汁食劲邪恶。大大份，实够饱。招牌草莓西瓜沙冰 $58西瓜蛋糕嘅沙冰版，如果觉得食蛋糕好邪恶好大负担，呢个沙冰都系一个好好嘅选择。芒果热情果西柚红茶 $65好大杯红茶，而且又唔会好甜，呢个配搭好fresh。招牌草莓西瓜蛋糕 $78呢个蛋糕一直都系女朋友嘅最爱，而且西瓜整蛋糕唔出水嘅专利，真系科技同味道嘅成果。整体黎讲，CP值都几高，而且整体用餐感觉同环境都好舒服，可以再去。