NN Coffee

营业中

休息中

NN Coffee每次黎西贡都会试下唔同既Cafe，今次试左NN Coffee ，店铺有两层，座位舒适亦够多，店内环境宽敞，行日系风格，装饰较简约，给一种舒适既感觉，可以坐低倾下偈，叹杯咖啡。—明太子龙虾手工意炒 $168明太子酱汁够creamy，保留到明太子特有既咸香味，手工意粉都弹牙，有挂汁效果，而龙虾肉质够肥美弹牙，仲已经起左肉唔使剥壳，好方便，配菜洋葱唔会过软过硬，成功增加左口感。—蒜蓉时令海蚬手工意粉$138蒜蓉配蚬既意粉系常见既配搭，蒜蓉牛油味够香够浓，配上鲜味十足既花甲鲜味，香喷喷好食！而且有配搭蕃茄仔，仲有D清新既感觉，绝对唔会觉得好腻。—久丸小山园团子黑抹茶牛奶$56绝对系比卖相吸引而下单既饮品，味道正常。—Tofu Latte $56豆腐鲜奶咖啡够特别，豆腐花滑滑又甜甜地，同咖啡又几夹，饮落有咖啡味之余带淡淡豆香。