Orca (已結業)

工作疲累想放松一下，请咗半天假，下午去了西贡行吓同揾嘢食，试咗一间近码头的西餐厅。有室内和户外，拣咗室内座，环境好舒服有梳化同挂画。天气太热先拣两款特饮，啲名都好特别，好得意。论尽的小鲸主要材料有椰浆、糖浆、柠檬汁同蝶豆花，呢杯系朋友叫的，颜色好靓打卡一流。我自己拣咗杯真的假不了材料有蝶豆花、玫瑰花蜜、梳打水、青柠同七喜，颜色真系好靓，系我最喜爱的颜色组合粉粉蓝蓝紫紫，饮落去感觉几得意几特别饮得出蝶豆花同甜甜地的玫瑰蜜。牛油香草白酒蚬前菜之一，白蚬好大只好新鲜，牛油味加香草好香，未食都闻到阵阵香气。牛油果蟹肉他她脆饼小食二，店员推介。刚刚放入新Menu所以值得一试，牛油果同蟹肉好丰富，个饼底好松脆，配搭起上嚟好有层次感。巨型猪扒跟薯菜系镇店signature dish，块猪扒好厚身同大块，两个人食啱啱好，虽然厚身但都keep到猪扒肉质，熟透而且好嫩滑Juice。再配上好多蔬菜中和返净系食大大块肉，蔬菜都好好味，个黑椒汁都系自己调制好有诚意。