花朝軒 (已結業)

住左喺西贡咁多年，饮茶食饭呢其实嚟嚟去去咪又系个几间，但系有间茶馆竟然开喺X记旁边咁勇敢🙊就约埋西贡友去试。「花朝轩」嘅门面同入面装修都好有格调，同中环铜记个啲餐厅有得挥，仲要系食京粤菜，新鲜感x100😎😎😎心多西贡友决定叫个自选晚餐，包头盘、云吞鸡、主菜、小菜同埋甜品。头盘：鸡丝粉皮足料！鸡与粉皮1比1，青瓜丝实走唔甩，粉皮是爽口的那种👍🏻，可惜麻酱就重手左五香牛肉上枱见佢咁干身，个五香去左边呢？原来系块牛已经修炼成功，入哂味，筋肉分明，薄薄一片，加配自家酱汁，唯有赞自己拣得好😂原盅云吞鸡饮个汤就会知个盅其实好足料，如果唔系煮唔到咁浓郁嘅汤😌云吞皮薄多馅，仲有几旧鸡，如果可以再大碗少少就好啦主菜：花雕话梅醉蟹脚有惊喜，以为粒话梅只系装饰，饮啖酒先感觉到粒话梅喺用嚟吊出花雕嘅香。蟹肉份量感足，唔会得个壳👍🏻最原汁原味我觉得将啲蟹肉夹出嚟再浸落花雕酒食，系停唔到手😍小菜：凤梨咕噜肉啖啖肉，皮炸得够脆，仲有少少肥唔会干争争得肉，唔错野菜粉丝什菌煲粉丝唔会话好硬，啱啱好又吸味😍家乡自家菜嘅感觉甜品：杏仁豆腐不嬲都唔太好杏仁，但食左几粒口感都ok爽爽的（但友人清哂😏）个餐仲送2个饭，是饱住走要