影片
更多
2016-10-07
894 浏览
讲起「Saigon」，大家一定会谂起香港既西贡，但其实「Saigon 」系源自越南胡志明市前身名字，西贡曾为越南首都，就算而家改左名叫胡志明市唔系作为越南首都，但呢位前「Saigon」至今仍然系越南最大城市。叫得Miss Saigon，当然餐厅所主打既系越南菜啦~ 餐牌选择多元化，有粉面，主菜，小食，饮品，甜品等等，可以随心选择。香茅牛肉春卷捞檬粉居然春卷出色过牛肉，牛肉份量颇多，不过颜色较㶶，虽然食落牛肉唔干，肉仲有啲嫩，但味道敌唔过旁边既春卷~ 春卷外层既米纸卷香脆，内里猪肉碎酥香，捞埋鱼露醋食仲好味。纸米卷乃系越南特式小食之一，无理由唔叫黎试下架嘛~ 芝士牛油果酥炸珍宝软壳蟹米纸卷 配搭唔错，虽然有软壳蟹，芝士相对较腻味感重既配料，但牛油果，萝卜丝，生菜既新鲜感去除其油腻，芝士令软壳多一重奶香，唔需要落调味料已有味道。比我点纸米卷既酱汁如果系浓檬既鱼露醋就好啦~ 始终我觉得有干檬粉既野食应该咁食先最岩味，哈哈。安南吊烧鸡成为全晚焦点😍鸡皮烧得金黄薄脆，腌制入味，但完全冇肥腻感，鸡肉亦保持内里嫩滑多汁，食完都意犹未尽。如果想清新啲可以薄饼，青瓜丝，菜连酱料一齐食，又有另一种风味，有
叫得Miss Saigon，当然餐厅所主打既系越南菜啦~ 餐牌选择多元化，有粉面，主菜，小食，饮品，甜品等等，可以随心选择。
香茅牛肉春卷捞檬粉居然春卷出色过牛肉，牛肉份量颇多，不过颜色较㶶，虽然食落牛肉唔干，肉仲有啲嫩，但味道敌唔过旁边既春卷~ 春卷外层既米纸卷香脆，内里猪肉碎酥香，捞埋鱼露醋食仲好味。
纸米卷乃系越南特式小食之一，无理由唔叫黎试下架嘛~ 芝士牛油果酥炸珍宝软壳蟹米纸卷 配搭唔错，虽然有软壳蟹，芝士相对较腻味感重既配料，但牛油果，萝卜丝，生菜既新鲜感去除其油腻，芝士令软壳多一重奶香，唔需要落调味料已有味道。比我点纸米卷既酱汁如果系浓檬既鱼露醋就好啦~ 始终我觉得有干檬粉既野食应该咁食先最岩味，哈哈。
安南吊烧鸡成为全晚焦点😍鸡皮烧得金黄薄脆，腌制入味，但完全冇肥腻感，鸡肉亦保持内里嫩滑多汁，食完都意犹未尽。如果想清新啲可以薄饼，青瓜丝，菜连酱料一齐食，又有另一种风味，有啲似食北京填鸭。
每次去食越南菜我总会钟意叫玫瑰特饮，可能系我对玫瑰有情意结关系~ 数片艳红色玫瑰花瓣漂浮于橙红色特饮中，散发一阵香气。甜丝丝玫瑰蜜混合荔枝特饮，配上数粒荔枝肉，味道更丰富起黎，我一阵间已经饮左唔少。
朋友系清新派，所以佢选择既野饮都比较fresh，香茅薄荷茶弥漫柠檬薄荷舒爽味，饮完后朋友话非常清爽舒喉，成个人都朝气蓬勃。
朋友未黎之前已经话想试斑兰椰子炖蛋白，觉得味道应该好地道，不过我觉得蛋白分布唔算平均，所以食落唔算顺滑，斑兰味唔太突出，椰子味较重。士多啤梨同香桃酸酸甜甜，一解饭后饱满感，一开头望啲香桃好似蛋黄。
法式苹果金宝配雪糕深得我心，一望雪糕我就知应该味道唔错，唔少云呢拿籽系雪糕表面，当然食落正如我估计好浓厚云呢拿味，而且都几滑。主角苹果金宝粒粒苹果香甜软腍，表层松化，牛油同玉桂香气口中回荡著，食完完全冇干枯感。
张贴
