影片
更多
2022-08-08
445 浏览
星期日滑完水, 鬼咁肚饿但又怕食太多影响晚餐, 最好就系去食西贡名物-菠罗包啦! 4点落船未系西贡繁忙时间, 条队唔系太长, 大约等左10分钟左右就买到. 到排到队时都系受唔住内心魔鬼嘅诱惑, 买左菠萝油! 正如好多人所讲, 店家真系长期好生意, 所以佢啲包真系买亲都系新鲜出炉热辣辣. 菠萝包都系一贯咁好味, 面包松软, 菠萝皮厚身够脆口, 仲铺满晒成个包面. 但有得就有失, 因为个包真系好热辣辣嘅关系, 所以夹喺中间嘅牛油已经系咁溶, 所以我影完相之后(其实张相都见牛油已经溶紧) 就快吞轰咁食晒成个包. 虽然我仲比朋友笑问我系咪好肚饿, 但食完都系滴左好多牛油喺胶袋底, 变相个包嘅牛油香味会淡左. 所以下次我谂我都系会食返菠萝包就好了.
菠萝油
$18
15 浏览
0 赞好
0 留言
张贴
