花朝軒 (已結業)

次次去西贡食泰国野食西式美国野德国野都食到闷，行过啲出名割客嘅海鲜酒家更加唔会想食，转角就见到呢间花朝轩京粤菜，就入去试下。我地得两个人，又眼阔肚窄咩都想试，叫每位上菜嘅套餐就岩岩好。好想饮云吞鸡，所以就叫咗呢个自选特色晚餐。我以为原盅云呑鸡真系原盅上。不过好彩味道搭够，汤底好浓郁！云吞虾肉同猪肉比例刚好，我好怕𠮶啲大大粒，跟住只虾太大只抢晒个口感。前菜叫咗蒜泥白肉粉皮 同 北京酱蹄。蒜泥白肉嘅蒜香味足够，不过猪肉略嫌老左少小。北京酱蹄有少少失望，简单啲讲只系薰蹄加豉油，我以为系类似猪仔肶架。因为无晒长脚蟹，所以叫风沙大虎虾。好可惜虎虾冰鲜味太重，仲有少少鲜味... 不过，用佢啲风沙捞饭几香口嘅。好彩，佢地嘅小菜系好食嘅！葱爆牛肉啲牛肉韧度岩岩好，而且好有牛味。出面有啲系落好多松肉粉，淋晒之余仲无牛味。葱亦炒得好云循，唔会有啲太生太老。红爆狮子头系另一款高水准小菜。红烧酱汁咸中带甜，狮子头肉质滑腻。半肥瘦猪肉连酱汁捞饭真系好好味！最后嘅甜品系杏仁豆腐，不过真名应该叫杏汁大菜糕。其实我好怕杏仁阵味，我都食到，可想而知杏仁味几少。口感系大菜糕嘅爽口。 呢度service 几好，下层full