Little Cove Espresso

营业中

休息中

今朝同朋友行完北潭涌自然教育径同上窰民俗文物馆，就出返西贡市区食午餐，呢间唔驶加一几好。我一早已经锁定目标要食French Toast，再叫左Pulled Pork Benedict同Smoothie Bowl.Smoothie Bowl拣左Red Dragon红肉火龙果香蕉杯由香蕉、红肉火龙果、椰奶、椰子片、石榴、青苹果同果籽组成。夏天最岩食冰凉既食物，虽然无加糖，但靠水果都带到足够既甜味，呢碗香蕉味好出。只系我唔钟意食椰子片同果籽，其它都唔错。French Toast法兰西多士奶油面包以开心果碎、肉桂同蜜糖伴碟，口感尚算外脆内软，但唔够湿润软熟。Pulled Pork Benedict辣手撕猪肉班尼迪蛋由辣手撕猪肉、半熟蛋、苹果醋荷兰酱、菠菜、青苹果薄荷叶、天然酵母面包组成。我地觉得成个配搭都唔夹，唔应该配辣手撕猪肉，有孜然粉既味道唔夹，但块面包系好食既，外脆内软。