Cocolo Tokyo Cake Factory (西貢海傍街) (已結業)

今次系第一次行海塝街，原来呢边有好多小店同cafe shop，下次有机会我地可以过嚟试吓其他。言归正传，我哋行紧海塝街嘅时候见到呢间舖头啲蛋糕做得好精致同好靓，所以想买来试吓。由于间舖头好细，所以我哋都系外卖左件蛋糕，坐喺海边食。佢哋有个抹茶套餐，一件蛋糕加一杯抹茶嘢饮就$35。-冻抹茶奶茶呢杯嘢个颜色就唔错好似好重抹茶味咁，可惜饮落个抹茶味好淡，差唔多饮唔到抹茶味。另外就系呢杯叫做抹茶奶茶但完全饮唔到茶味只系觉得自己食紧鲜奶。啲抺茶味完全俾啲鲜奶盖过晒，抹茶粉同鲜奶嘅比例错咗。希望下次佢哋会改善啦。-日式焦糖芝士蛋糕呢一个芝士蛋糕又系令我好失望，首先个芝士蛋糕一啲都唔重芝士味，反而有好重益力多嘅味道。另外，个芝士蛋糕唔够柔滑。真系好失望😞总括来讲，我系有啲失望因为芝士蛋糕同抹茶奶茶都系啲好容易整嘅甜品，可能我哋叫咗佢哋啲唔系拿手嘅甜品所以就出咗事。