影片
更多
2018-01-22
347 浏览
熊大讲左好耐想去西贡，今日终于早放少少就入去放下假喇。入西贡钻石山，彩虹有巴士，将军澳，观唐，彩虹旺角,铜锣湾有小巴，熊大同熊妹选择旺角入，比较方便啲。每次去西贡，熊大都系想去拜访咖啡佬，今次因为入到去都快要入夜，熊大太夜饮咖啡又会训唔到觉的，所以决定揾食算。西贡除左食海鲜出名，仲有条泰国菜街，就系海鲜街后面。 一入去条街见到呢间旺泰特食，头先系西贡巿内行下都见有两间门面铺，即呢间系第3间，咁多分店，又见几多人食，应该唔会差挂，就拣佢喇，熊妹唔钟意坐出面，所以拣左坐系店入面。店员阿姐都几亲切，一见熊妹就嗌靓女入面坐喇，俾熊大笑被人叫靓女即刻应，个阿姐即刻笑左仲话靓仔都入去坐喇。啧，熊大咪又系即刻应。 噗噗噗噗...睇睇餐牌，都系一般会有的泰国菜，价钱就中上喇。首先，点菜当然少不了熊妹最爱的串烧。熊妹觉得猪肉串烧会有点肥，熊大就好识做咁叫了2牛2鸡，$12一串，都唔系平，又唔系好大一串，连埋泰式花生串烧酱，味道正路喇。然后，点个泰式沙律，熊大钟意食青木瓜，又话食完可以止咳，仲唔嗌佢咩？$55 唔系好大碟，材料就系青木瓜同几粒花生，两块蕃茄，味道唔系好辣又带点甜，熊大同熊妹就觉得唔系几抵食
入西贡钻石山，彩虹有巴士，将军澳，观唐，彩虹旺角,铜锣湾有小巴，熊大同熊妹选择旺角入，比较方便啲。
每次去西贡，熊大都系想去拜访咖啡佬，今次因为入到去都快要入夜，熊大太夜饮咖啡又会训唔到觉的，所以决定揾食算。
西贡除左食海鲜出名，仲有条泰国菜街，就系海鲜街后面。 一入去条街见到呢间旺泰特食，头先系西贡巿内行下都见有两间门面铺，即呢间系第3间，咁多分店，又见几多人食，应该唔会差挂，就拣佢喇，熊妹唔钟意坐出面，所以拣左坐系店入面。
店员阿姐都几亲切，一见熊妹就嗌靓女入面坐喇，俾熊大笑被人叫靓女即刻应，个阿姐即刻笑左仲话靓仔都入去坐喇。啧，熊大咪又系即刻应。 噗噗噗噗...
睇睇餐牌，都系一般会有的泰国菜，价钱就中上喇。
串烧
$48
15 浏览
0 赞好
0 留言
首先，点菜当然少不了熊妹最爱的串烧。熊妹觉得猪肉串烧会有点肥，熊大就好识做咁叫了2牛2鸡，$12一串，都唔系平，又唔系好大一串，连埋泰式花生串烧酱，味道正路喇。
泰式青木瓜沙律
$55
24 浏览
0 赞好
0 留言
然后，点个泰式沙律，熊大钟意食青木瓜，又话食完可以止咳，仲唔嗌佢咩？$55 唔系好大碟，材料就系青木瓜同几粒花生，两块蕃茄，味道唔系好辣又带点甜，熊大同熊妹就觉得唔系几抵食。
马拉盏炒通菜
$56
16 浏览
0 赞好
0 留言
再来，熊妹系菜王，硬系点个马拉盏炒通菜喇。$56都系沙律个只唔系好大的碟，正常炒通菜味道，唔系好重马拉盏味，熊大钟意食浓味啲。
冬阴公汤河加虾饼
$48
13 浏览
1 赞好
0 留言
叫左咁多菜，主食点左个汤河，有清汤同冬阴公汤底拣，食泰国野硬系要饮冬阴公汤喇，𩠌方面有海南鸡丝，泰式猪肉丸，扎肉，鱼蛋，虾饼，鱼饼等等可以拣，冬阴公汤底价钱$48单拼，$55双拼，熊大同熊妹都系对虾饼有兴趣，就拣左一款喇。虾饼又几弹牙㖞，不过浸左系汤入面会淋左，但都几好味，下次可以叫佢分开上，河粉系泰式河粉，比平时鱼蛋粉的河粉幼身啲但厚啲啲，连埋冬阴公汤一齐食，辣辣地，几过隐。
椰青
$35
14 浏览
0 赞好
0 留言
熊大最钟意饮椰青，$35 一个，都真系偏贵下，不过俾佢过下隐喇，仲刮埋啲肉食，傻更更。
埋单$242，唔算食好多野，每碟都唔系好大碟，唔系话好抵食，不过阿姐服务几好。
张贴
