全記海鮮菜館

营业中

休息中

放假一心想食海鲜，尊程入西贡行，喺海鲜街谂紧边间好，最后拣咗有分店嘅全记海鲜菜馆，点都系米芝莲推介嘅食府。地方都算宽落舒适，侍应服务还可以，海鲜新鲜，味道唔错，份量系有啲少，不过两个人食，感觉还可以。芝士龙虾伊面，个汁好浓好重芝士味，不过睇相都睇到好少，唔止龙虾无咩肉，连伊面都十分少。蒜茸粉丝蒸扇贝好味，大大只，粉丝吸收晒啲汁又唔会太咸。蛋白蒸蟹好味，卖相又唔差，如果蛋白多啲会好啲。蒸海斑，蒸得啱啱好，细细条肉质嫩滑。最后加碟绿油油嘅菜芯。