Lobster Une

营业中

休息中

特然有个机会入西贡，好耐冇入去多咗好多餐厅。要简单食个午餐，俾佢个万圣节装饰吸引咗，又见几好坐唔晒就入去试下。呢间系主打食龙虾嘅餐厅，职员都推介龙虾汤，但系想轻食，见佢有个Bread set都几吸引。有前菜又有个包，又有嘢饮。前菜沙律/软壳蟹/黄金虾拣一款，包可以拣龙虾包、咖喱蟹包、龙虾Pizza。黄金虾都新鲜弹牙，以为好重蛋黄味，点知居然几fresh。包叫咗signature龙虾包，原来下午限定。面包用咗粗麦包，面头有芝麻、罂粟子、瓜子，香口又松软。龙虾用调好味，满满塞满喺个包入面，肉质雪白，而且仲好多汁，调味唔系用沙律酱𠮶啲，可以食真啲虾肉，配埋薯格同鹰嘴豆泥，份量都好足。最后叫咗杯咖啡，原来可以加钱upgrade即磨豆。但都系留返下次有时间叹啡先试。普通啡都唔差，可以一试。