Jaspas Restaurant (已結業)

今日同一班朋友去到西贡万宜水库东坝行山，行咗成个晏昼，等车又等咗成粒钟，出到市中心已经好鬼肚饿，食开𠮶几间泰国菜又多人，于是就去咗沙咀街食西餐，呢间餐厅应该系一间连锁店，其他地方都见过，应该比较稳阵，㖞所以就拣咗呢间。餐厅而家有做紧个农历新年套餐，几抵食㖞，二百几蚊有头盘、主菜，仲有甜品。前菜我拣咗鸭胸沙律，佢用咗北京填鸭嘅做法，用𠮶一只酱加落鸭胸度，感觉几特别，朋友就嗌咗一个日式带子锅，佢话都几好食。主菜方面我就嗌咗一个肉眼扒，讲真打就一般般啦，肉有小小 '孩'，薯条亦都唔够热唔够脆，可能因为人多嘅关系啦。另外一朋友嗌咗一个炸鸡扒，几好㖞，唔会太干，甜品方面就系朱古力饼雪糕，呢个几好食，整体嚟讲中规中矩啦，未至于令人回味。