西貢越南真味

营业中

休息中

今日见咁好天就即兴嚟咗西贡，一落车就好肚饿所以即刻去揾嘢食医肚。行过呢间越南菜见到有好多明星嘅相，所以就心郁郁入去试一试！我哋两个人就分别叫咗一人一碗面:1) 越式牛肉汤河regular size (4/5)有惊喜！因为我本身仲以为只有得生牛肉，点知佢有好多唔同牛嘅部份，包括金钱肚、生牛肉(仲要肉质鲜嫩嘅)， 同埋牛丸、牛柏叶等等。个汤亦都系好清甜嘅，值得一试！2) 猪颈肉汤蒙 (3.5/5)个猪颈肉稍为有少少过硬，不过整体啲粉都好有口感，天气热嘅话都几开胃！整体餐厅都几迫下，不过两碗野都好大碟，我哋食完系超级饱已经食唔到任何小食。