西貢越南真味

营业中

休息中

西贡越南真味都算系我系西贡最钟意既餐厅之一，有时屋企无饭食，都会叫越南真味既外卖返屋企食。今日终于黎左堂食，其实佢食物种类都几多，除咗汤粉同饭之外，仲有法包，不同既越南小食选择。今日就叫左半生熟牛肉汤河同牛肉法包牛肉肉质好嫩，有啲粉粉地色，刚刚熟。汤底先系主角，汤底浓郁，好甜，而且一啲味精都冇，饮完唔会口渴。河粉既份量都几多，食晒一定够饱。越式牛肉法包，材料丰富，有萝卜丝，青瓜，蕃茄，莞荽，牛肉，味道酸酸甜甜，几开胃，再配埋脆口既法包，好味！