影片
更多
2023-12-16
1133 浏览
去西贡食海鲜，有时都会担心海鲜价，最后可能变水鱼。「天天好海鲜酒家」午市同晚市加工价都系一样，价钱公道透明，无隐藏收费，无开瓶费，按人头收加工费： ⋄二人$60/ 1碟 ⋄八人以上约$200/ 1碟 ⋄加蔬菜、加面需另加钱 ⋄做刺身都会贵啲 去到问返店员，食前了解价钱就食得好放心。跟住识饮识食嘅朋友，嚟到西贡码头艇仔档同埋西贡街市买海鲜，再攞去酒家加工。门面都几隐世，店铺唔算大，坐低大圆枱已经听到厨房传来风炉「蓬～蓬～」炒𩠌声，净系听都听得出镬气。我哋一行十人，十一味𩠌加工费$1380，除开人头费好抵食，所以系愈多人愈抵食。❖白灼赤米 ⋄西贡街市 ► 赤米 (1斤) $128 细细只，虾壳脆薄好易剥，白灼味道特别鲜甜，好新鲜又无沙。❖豉椒炒黄蛏子 ⋄西贡街市 ► 黄蛏子 (约1斤) $100 ⋄加工料：炒面底+$100 呢个时候当造，见街市好多档都有得卖，个人觉得黄蛏子口感仲好食过蛏子王，size似手指般大细，肉质爽弹鲜甜，咬开仲觉得有海水味渗出嚟，豉椒味㶶，炒面底脆，够晒镬气。❖白灼濑尿虾 ⋄西贡街市 ► 长颈濑尿虾 (中型) (1斤半) $240 弃椒盐而选择白灼，更显鲜甜原味，好
⋄二人$60/ 1碟
⋄八人以上约$200/ 1碟
⋄加蔬菜、加面需另加钱
⋄做刺身都会贵啲
去到问返店员，食前了解价钱就食得好放心。
跟住识饮识食嘅朋友，嚟到西贡码头艇仔档同埋西贡街市买海鲜，再攞去酒家加工。门面都几隐世，店铺唔算大，坐低大圆枱已经听到厨房传来风炉「蓬～蓬～」炒𩠌声，净系听都听得出镬气。我哋一行十人，十一味𩠌加工费$1380，除开人头费好抵食，所以系愈多人愈抵食。
白灼赤米
66 浏览
0 赞好
0 留言
⋄西贡街市 ► 赤米 (1斤) $128
细细只，虾壳脆薄好易剥，白灼味道特别鲜甜，好新鲜又无沙。
豉椒炒黄蛏子
161 浏览
0 赞好
0 留言
⋄西贡街市 ► 黄蛏子 (约1斤) $100
⋄加工料：炒面底+$100
呢个时候当造，见街市好多档都有得卖，个人觉得黄蛏子口感仲好食过蛏子王，size似手指般大细，肉质爽弹鲜甜，咬开仲觉得有海水味渗出嚟，豉椒味㶶，炒面底脆，够晒镬气。
白灼濑尿虾
159 浏览
0 赞好
0 留言
❖白灼濑尿虾 ⋄西贡街市 ► 长颈濑尿虾 (中型) (1斤半) $240
弃椒盐而选择白灼，更显鲜甜原味，好新鲜够晒多肉饱满，肉质鲜爽。
白灼跳螺
21 浏览
1 赞好
0 留言
❖白灼跳螺 ⋄西贡街市 ► 泰国跳螺 (1斤半) $150
肉质结实弹牙，味道劲鲜甜，配甜酱辣酱一齐食，小心末端有钩刺。
炒黄鳍老虎班球
29 浏览
0 赞好
0 留言
⋄西贡街市 ► 黄鳍老虎班尾 (2斤半) $430
⋄加工料：西兰花+$80
净系鱼尾都2斤半，炒球啖啖肉，肉厚结实，鱼皮满满胶质。
酥炸大尾鱿
9 浏览
0 赞好
0 留言
⋄西贡街市 ► 大尾鱿 (1条约1斤半) $150
大尾鱿系鱿鱼中之王，口感有点似墨鱼，街市较少见，脆浆炸得酥脆，肉质厚实有嚼劲，鱿鱼须位置更爽脆，保持到鱿鱼水份唔会炸到干晒，食过大尾鱿返唔到转头。
炸方利、黄花鱼
18 浏览
0 赞好
0 留言
⋄西贡街市 ► 方利 (1条) $200
鱼类极品之一，外皮炸得香脆，肉身丰厚嫩滑，好有鱼味，连鱼骨都食埋。
❖炸黄花鱼
⋄西贡街市 ► 台湾黄花鱼 (3条) $100
外皮炸得金黄香脆，肉质鲜嫩甘甜，鱼油丰富，味道带点咸香。
清蒸了哥鱼 (碎上)
26 浏览
0 赞好
0 留言
⋄码头艇仔档 ►了哥鱼(1条约1斤半) $380
系时令海鱼，街市未必经常买到，想试就要碰碰运气，入口啖啖肉，肉厚扎实，鱼骨少，鱼油脂丰富，最适合清蒸，更好发挥原有嘅鲜鱼味道。
盐花蒸荷包鱼、黄脚䲞
31 浏览
0 赞好
0 留言
⋄码头艇仔档 ► 荷包鱼 (1条) $120
我都系第一次食，外表系珊瑚鱼，都会对食用抱有怀疑。其实多数系渔民拖网捕鱼时跟随网到，但机会并不常见，过程中有损伤注定养唔大的荷包鱼，通常渔民会留返自己享用，所以系可遇不可求。
手掌般大，简单蒸鱼身已经出晒黄油，为咗锁住黄油所以专登唔打鳞去蒸，肉质好嫩滑，鱼皮满满黄油香都要啜一啜，尤其系鱼鳍位置黄油积聚最丰腴，非常肥美，加埋盐花更加提鲜。
❖盐花蒸黄脚𫚭⋄码头艇仔档 ► 黄脚𫚭(2条) $150
水上人食法，有几种鱼系唔会打鳞去蒸，黄脚𫚭系其中一种，只因鱼油太丰富，避免蒸嘅时候流失，肉质柔软富弹性，鱼味浓郁鲜甜。
豆腐白菜海鲜汤
12 浏览
0 赞好
0 留言
❖豆腐白菜海鲜汤 ⋄西贡街市 ► 什锦海鲜 (1袋)
⋄加工料：白菜仔、豆腐+$50
喺同一档买得多通常都会送俾你，只需要俾酒家加工就可以。其实呢兜海鲜绝对唔似系下栏嘢，鱼虾蟹蚬，真材实料煲汤劲鲜甜。
蚬肉芝士炒饭多葱
2 浏览
1 赞好
0 留言
⋄西贡街市 ► 蚬肉 (1盒) $40
⋄加工料：芝士+$80
算系隐藏菜色，系朋友长期食吓食吓，又想试吓新嘢，店长帮佢设计出嚟。大量蚬肉芝士汁铺满成碟炒饭，慢慢流紧落只碟度，仲有成碗芝士汁另上，邪恶到爆，但又好吸引，粒粒蚬肉算大只有咬口，香浓芝士汁加大量葱花，每粒炒饭都比鸡蛋包住，份量十足，呢个时候已经好饱，但都引唔住食咗成碗，最后都打包咗成盒返屋企叹。
呢餐系午餐但食得丰富过晚餐，饱到扶墙走，连料加工每人$450，非常抵食，手工一流，店员亲切有礼，换碟密，又递上湿纸巾。唔想自己去买海鲜，酒家都可以代购，实报实销，海鲜通常时价，唔同日子、时间都有分别。另外发现中午炒粉面同特价小菜都好抵食，无加一，够镬气，已经变成我的饭堂了。
天天好海鲜酒家地址：西贡市场街41号地舖
张贴
