泰屋泰國餐廳

营业中

休息中

西贡，唔系净系得海鲜食，传闻仲有好多好野食今晚独留左老婆在家，车左阿爸阿妈入西贡食饭！我地食泰国菜！6点几黎到，都要等半个钟先入到！好多人呢！餐厅入面唔太大，可能多人，感觉上有点迫。马拉盏炒通菜落油太多，可能通菜不是时候，菜好老不爽口，但马拉盏味重，咸咸的好惹味！青咖哩鸡用黎送饭食一流㖞！我觉得青咖哩汁唔太辣，仲好香口同嫩滑，咖哩味够鸡都系鸡胸多，肉少骨多，鸡肉质地嫩滑，这个冰鲜鸡不错呀我地配埋薄饼一齐食，薄饼热热地，烟烟unun，好香口！泰式生虾一向觉得泰国菜既生虾同日本寿司𠮶啲虾差唔多，但爸爸钟意食，就叫比爸爸试下。生虾有6只，碟底有干冰保持温度，虾肉爽口唔霉，冻冻地都几好食。重点当然在于个辣酱，好似Wasabi咁，点两点一齐食好好味！炸鱼饼 同样地落油太多，食完都成口油，但鱼味丰富又鲜，唔知老板用左咩鱼呢？每块鱼饼都炸到金黄色，卖相几靓的。