影片
更多
2017-05-30
143 浏览
等到颈都长，终于都黎到夏天，水上活动又开季啦！玩完水，紧系一大班朋友仔去食海鲜啦：）唔想系海旁D海鲜店同人迫餐死，可以念下行过少少，行过两条街食通记。都系个句Yandy系海边长大，食海鲜食到大，但自从开始滑浪、潜水之后因为对保育认识更深，而定会尽量跟返WWF可持续海鲜个LIST去食，不过好多餐厅都无标示来源，而通记有样好就系你可以自己买海鲜俾佢帮你煮，咁就万无一失啦！玩完一日热辣辣，一坐底先黎个★ 龙虾刺身拼盘，龙虾肉就唔多，但都几有咬口兼新鲜，加埋金箔系面，净系上菜个下都已经够哂睇头啦：）加埋其他刺身，每人都分到唔少架！★ 螺头粉葛煲猪展（爵士汤）生冷野我唔多受得，食完即刻饮返碗汤暖下肚，汤几够火喉，又甜又足料，不过钟意饮汤既话就真系唔多够喉啦！★ 芝士焗龙虾伊面底一黎到已经非常肚仔饿，黎个芝士伊面打定个底先慢慢食，龙虾充满香浓芝士味，咬落啖啖肉，不过识得食一定系食伊面，伊面先系吸收哂日月精华既重头戏：）★ 蒜茸粉丝蒸元贝豉油汁淋上面，粉丝同带子都鲜味十足，简单又满足既一道。★ 花雕蛋白蒸蟹蟹一向系我的最爱：）用蛋白蒸带出阵阵鲜甜味，蟹膏都更上一层楼。★ 豉油王大虾又大又肥美既虾，豉
玩完水，紧系一大班朋友仔去食海鲜啦：）
唔想系海旁D海鲜店同人迫餐死，可以念下行过少少，行过两条街食通记。
都系个句Yandy系海边长大，食海鲜食到大，但自从开始滑浪、潜水之后因为对保育认识更深，而定会尽量跟返WWF可持续海鲜个LIST去食，不过好多餐厅都无标示来源，而通记有样好就系你可以自己买海鲜俾佢帮你煮，咁就万无一失啦！
玩完一日热辣辣，一坐底先黎个★ 龙虾刺身拼盘，龙虾肉就唔多，但都几有咬口兼新鲜，加埋金箔系面，净系上菜个下都已经够哂睇头啦：）
加埋其他刺身，每人都分到唔少架！
★ 螺头粉葛煲猪展（爵士汤）
生冷野我唔多受得，食完即刻饮返碗汤暖下肚，汤几够火喉，又甜又足料，不过钟意饮汤既话就真系唔多够喉啦！
★ 芝士焗龙虾伊面底
一黎到已经非常肚仔饿，黎个芝士伊面打定个底先慢慢食，龙虾充满香浓芝士味，咬落啖啖肉，不过识得食一定系食伊面，伊面先系吸收哂日月精华既重头戏：）
★ 蒜茸粉丝蒸元贝
豉油汁淋上面，粉丝同带子都鲜味十足，简单又满足既一道。
★ 花雕蛋白蒸蟹
蟹一向系我的最爱：）用蛋白蒸带出阵阵鲜甜味，蟹膏都更上一层楼。
★ 豉油王大虾
又大又肥美既虾，豉油味非常，里里外外都散发豉油混合虾既鲜香味，连壳都可以啜一餐。
★ 椒盐赖尿虾
大大只赖尿虾好易就开到肉出黎，食完豉油食椒盐，唔一样既鲜度，但同样想啜埋个壳XD
★ 清蒸海上鲜
经过好上火既两道菜，黎个简简单单既蒸鱼，蒸既时间岩岩好，鱼肉唔腥又嫩滑。
★ 黄金鲍鱼
压轴出场既系呢个黄金鲍鱼，第一次食咁整既鲍鱼，入口好香蛋黄味，慢慢咬鲍鱼既鲜味，仲好爽口弹牙，食海解有鲜味之余仲有层次感。
★ 海鲜炒饭
★ 西贡时菜时炒
最后个饭我已经饱死左食唔落，友人表示非常多海鲜，好足料咁话。
菜呢，清一清饱济感，炒得香口又唔太油。
★ 芒果布甸
★ 精美果盘
最后甜品有芒果布甸同西瓜，芒果布甸太吸引，唔记得影已经落左肚XD好滑好香芒果味，西瓜清清甜甜。
价钱大概$500位，唔系特别抵，但唔会系游客价，食材新鲜，煮得亦有水准，去到西贡唔想同人迫，呢间系好选择，下次睇睇可唔可以自备海鲜就食得更环保：）
张贴
