旺泰特食

营业中

休息中

好味泰国菜！朋友由细到大都系西贡住，佢推荐得嘅应该真系唔错，午市套餐都几抵食，跟汤同饮品。肉碎汤加咗大量菜入去煲，甜甜地几好味。饮品我拣咗椰奶冰，消暑解渴。青咖喱猪肉$98- 青咖喱微辣，好香，有椰汁味。配菜好多，最钟意有细粒茄子，吸满咖喱汁。推介！薄饼$48- 薄饼似烤面包，唔油腻，就咁食薄饼就冇乜味道，同埋质地偏干，用嚟点咖喱汁一流！小食拼盘$128- 拼盘共有四款小食: 有春卷、虾饼、鱼饼、荷叶包鸡。小食即叫即炸，非常香脆同热辣辣，鸡肉就鞋咗少少，虾饼、鱼饼好弹牙。春卷入边馅料有好多粉丝，好味！泰式风味炒金边粉$63- 呢个炒金边粉一啲都唔油腻，味道偏甜冇乜酸味，入面都有鸡肉同蛋丝。朋友话金边粉嘅品质一直都维持到，推介！海南鸡饭$63- 海南鸡麻麻哋，卖相冇咁吸引之余，鸡件都比较鞋同埋份量细，唯一可取嘅系海南鸡酱几惹味。