影片
更多
2019-10-07
358 浏览
见呢排开始秋风起，即刻约左屋企人去BBQ感受下秋天既来临🥳～专登揸车入西贡BBQ，因为贪呢道可以对住海景、吹住海风咁烧烤🌬，又舒服又Chill✨～-入场时可以拣坐边个区域，因为唔同区域有唔同既开炉费。本身想坐可以睇到无敌海景既玻璃屋，可惜已经坐爆哂🥺，唯有转坐露天海景位，户外有一大片草地，都可以睇到海景架😝。拣完位之后店员就会帮手起炉，等二十分钟左右就烧得噜，趁呢段时间即刻出去睇下有咩食🧐。-食物种类都算多，净系鸡翼都有四只味🤩（咖哩、泰式、蒜蓉、香茅），肉类当然唔少得有鸡牛猪扒、猪颈肉、金沙骨、咖哩鱿鱼、黑椒鸡肾，仲有蜜汁西冷添。基本丸类、肠呢啲一定有，比较特别既仲有秋刀鱼、多春鱼同烟肉🤤！而且估唔到蔬菜柜都有好多选择🍅🌽🍍🍆🍠，有车厘茄、粟米、青椒、菠萝、茄子同蕃薯。面包都有两款，仲有蜜糖、普通牛油同蒜蓉牛油任你拣🍞！分类清晰又企理，所以成个场都好干净，唔会见到啲食物夹到乱哂👏🏻。-最特别既系呢道有任饮饮品🤩！苹果汁、橙汁、百事、七喜同水都系任饮，唔会好似其他烧烤场咁净系比一罐野饮，好大方🥰。当然，如果想饮其他牌子例如可乐、乌云茶呢啲都可以去小卖部买。除左野饮任饮之外，呢道仲提供埋
见呢排开始秋风起，即刻约左屋企人去BBQ感受下秋天既来临🥳～专登揸车入西贡BBQ，因为贪呢道可以对住海景、吹住海风咁烧烤🌬，又舒服又Chill✨～
-
入场时可以拣坐边个区域，因为唔同区域有唔同既开炉费。本身想坐可以睇到无敌海景既玻璃屋，可惜已经坐爆哂🥺，唯有转坐露天海景位，户外有一大片草地，都可以睇到海景架😝。拣完位之后店员就会帮手起炉，等二十分钟左右就烧得噜，趁呢段时间即刻出去睇下有咩食🧐。
-
食物种类都算多，净系鸡翼都有四只味🤩（咖哩、泰式、蒜蓉、香茅），肉类当然唔少得有鸡牛猪扒、猪颈肉、金沙骨、咖哩鱿鱼、黑椒鸡肾，仲有蜜汁西冷添。基本丸类、肠呢啲一定有，比较特别既仲有秋刀鱼、多春鱼同烟肉🤤！而且估唔到蔬菜柜都有好多选择🍅🌽🍍🍆🍠，有车厘茄、粟米、青椒、菠萝、茄子同蕃薯。面包都有两款，仲有蜜糖、普通牛油同蒜蓉牛油任你拣🍞！分类清晰又企理，所以成个场都好干净，唔会见到啲食物夹到乱哂👏🏻。
-
最特别既系呢道有任饮饮品🤩！苹果汁、橙汁、百事、七喜同水都系任饮，唔会好似其他烧烤场咁净系比一罐野饮，好大方🥰。当然，如果想饮其他牌子例如可乐、乌云茶呢啲都可以去小卖部买。除左野饮任饮之外，呢道仲提供埋豉油、茄汁、辣椒油同芥末酱，大方得黎又贴心🥳。
-
如果唔想自己拎住烧既话仲可以买网，不过我就中意烧野食转转下既感觉，就无买到噜。烧完一轮，大概试哂所有食物，特别推介：
蒜蓉鸡翼：腌得好好，超入味但唔会好咸😇。
黑椒牛扒：大大块，肉质软滑唔会太多筋。
黑椒鸡扒：肉厚多汁，好嫩滑。
猪颈肉：口感弹牙，唔会腌到梅哂。
黑椒鸡肾：大大粒唔系一片片个只，超惹味🤩！不过有啲辣要小心。
金沙骨：啖啖肉唔会净系得条骨
多春鱼：条条都好多春，胀卜卜，几鲜甜。
牛丸：比想像中好食，弹牙得黎好浓牛味👍🏻。
墨鱼丸：食得到一粒粒既墨鱼粒！
茄子：配蒜蓉牛油超正。
烧面包：有蒜蓉包款同厚切方包两款，极推荐厚切方包🍞！配蜜糖烧外脆内软，而且够厚吸哂蜜糖好正🤤。
-
烧到无炭仲可以去自助加炭区道加炭👐🏻，每个炉都附设一个夹同胶筒，中意攞几多就几多，唔会限住你每个炉得一包炭烧完就要比钱买🤩。加炭区隔离仲有个小型游乐场🎡，超多小朋友系个边放电。而且呢道炉与炉之间唔会太逼，岩哂一家大细带埋狗狗假日过黎玩返日👨👩👧👦🐶❤️。
张贴
