Jaspas Restaurant (已結業)

夏天一定要坐入面凉冷气，凳太大张，走廊又太窄，所以坐得几迫下。落单要讲英文，因为菜系新鲜热辣煮出嚟，所以上菜都要啲时间。*Jaspas  Special  Pizza $170薄饼底系薄脆底，唔会好硬，依然有少少面包松软嘅质感，面头有好多配料，红椒青椒肉粒蘑菇片辣肉肠，惹味又多层次感，最重要系芝士份量啱啱好，拉丝之余又唔会太腻。Mac & cheese $170焗芝士通心粉未免太邪恶啦呱，完完全全系芝士+通心粉，通心粉有坑纹，挂汁挂起啲芝士酱，芝士酱非常浓郁，完美同通心粉融为一体，面头有焗到焦香嘅车打芝士，拉丝超cheesy，一啖接一啖，但芝士相对好容易食腻。Chicken fajitas $170热辣辣嘅铁板，上菜吱吱声，鸡胸肉烧到焦香，一点都唔会干柴，肉质好嫩滑，份量又多。底下有红椒青椒条，可惜铁板太多油，啲菜好油腻。有4片墨西哥薄饼，烘热左又非常软熟，仲有墨西哥辣椒同埋经典墨西哥酱，酸忌廉牛油果酱莎莎酱。用薄饼包起鸡肉青椒，再点酱，好有墨西哥风味。