Casa Cafe & Bistro

营业中

休息中

以前帮衬过好几时，食物无乜特别，就是份量较少，我是唔算大食的女生，一个 main唔系好够饱。呢间野一向都无乜服务，但胜在马鞍山呢个沙漠来计算正常好坐的餐厅，所以间中帮衬。但今次真系服务特差，未食饭先食西面，我以后唔会再帮衬。去到有两张吉枱，一张已经执好，一张未执。前面无客等位，但待应唔比我坐任何一张。我话坐出面无客个张，都唔比，不停唔耐烦的语气话重覆话“等一阵”成十次。我好声好气问“唔好意思，我赶时间，我可以坐出面，去买野食先吗？” (呢间餐厅是自助去 cashier 买野食和拎餐具的) 待应即时西面升级，写张票比我企门口等位，再自己走去左厨房拎野食比其他客。其实我只系想食餐午餐啫🤷‍♀️ 因为真系赶时间，我放低左张等位飞，走左去附近大快活食。 价钱平一半，老实说食过呢间野咁多次，佢又唔系真系比附近大快活和 MW cafe好食，真系唔想再帮衬。