Chibee Chicken and Beer (已結業)

好姐妹買咗團購預埋我一齊食炸雞一打開𨋢門見到個咁Q嘅公仔logo就已經好開心，原來依間係食炸雞同飲啤酒嘅地方！話明有酒飲又點少得一張長長嘅bar枱~~但好可惜個團購係唔包酒精嘢飲，所以我哋都係唯有乖乖地食炸雞啦！我地點左原價＄178嘅忌廉羅勒香草醬炸雞，炸雞嘅份量非常多，有成十幾舊！雞炸得非常脆而且雞肉滑多汁，配上濃濃嘅香草醬簡直係10個Good另外個團購仲包一款年糕，我哋就揀咗卡邦尼年糕。彈牙既年糕配上有濃郁蘑菇同埋煙肉味嘅醬汁居然異常地夾！初初我仲好怕啲汁會結踢踢加埋一舊舊嘅年糕就會非常的一pat野。依款年糕原價要＄108，如果要用正價食既話我就會覺得略嫌貴左少少。最後嗰餐仲包兩杯野飲，好姐妹就揀咗蜜糖西柚茶而我就揀咗韓國水蜜桃汁。酸酸地嘅蜜糖西柚茶有好多果肉，以我個杯水蜜桃汁就甜甜地，兩杯嘅感覺得好清新不過可能係上樓舖嘅關係啦，雖然係閒日但都係夜晚七點幾八點嘅食飯時間，餐廳都唔滿座。希望佢哋嘅生意會有改善啦，否則我哋就少咗一個食炸雞嘅好地方。