Moreish & Malt (蕪湖街) (已結業)

浓郁嘅朱古力特饮，朱古力味道丰富，但甜度适中，唔会太腻喉，一边进食、一边饮呢杯特饮就最适合。接著有小食拼盘，最啱一大班人一齐share。水牛城鸡翼酱汁惹味，酸辣呈度非常适中，唔会太辣食唔到，但又酸酸地，够晒醒神开胃; 而炸鱿鱼圈新鲜即炸，入口当然香口，而且质感弹牙易咀嚼，系道好出色嘅小食。中意食肉嘅朋友，呢道烧烤汁肉眼牛扒千其唔可以错过。大概7成熟嘅牛扒，上枱时香气浓郁，表面有微微烧烤嘅感觉，以及粉嫩嘅肉身，切落又有丰富肉汁;最后配以一客芝士蚬壳粉，酱汁香浓兼且又够饱肚，呢一晚真系满足!