西餐大排檔 (已結業)

之前晌唔同嘅媒体听过西餐大排档，其中一篇报导仲话主厨希望食客能够晌度轻松咁食到高质西餐。呢晚嚟到，装修系几亲民。大红色餐巾，有啲中西合璧嘅感觉。店员话一人套餐系近期推出，我见某啲菜式散叫餐牌系无嘅，就叫嚟试试。牛腩罗宋汤，除咗牛腩之外，汤入面仲有甘笋、椰菜、西芹、洋葱等等，味道浓郁开胃。黑松露蘑菇汤，蘑菇切得细碎又有咬口。蒜蓉多士就烘得外脆内软，蒜蓉牛油够香，用嚟蘸汤食都唔错。鲜龙虾半只配烧牛肉眼，用平底镬载住，卖相吸引。牛肉眼烧得外层微焦，内层色泽粉嫩，食起嚟柔软，筋位有油香。龙虾虽然只有半只，不过个size唔细，肉厚弹牙，同埋用咗黑椒等等调味。厨师仲特登将龙虾钳扑开，外壳睇落完整，但就可以轻易拎啲龙虾肉出嚟。香烧原条是日鲜鱼，外皮香喷喷，鱼肉绵滑。用原条嘅姿态出场，晌西餐嚟讲真系好少见，贯彻咗餐厅嘅fusion作风。伴碟蔬菜亦唔马虎，薯蓉食起嚟香滑，法边豆口感爽脆，烧番茄就唔干身。用嚟点肉食嘅香草汁酸酸甜甜兼有少少辛口感，味道有少少泰式酱汁嘅影子，既可提味又可解腻，我几钟意。最后，我哋简简单单咁用柠檬茶做总结。呢度嘅食物唔卖花巧、只求实事，如果硬要鸡蛋里挑骨头嘅话，就系平底镬边比一