Brooklyn (已結業)

心血来潮，想食个靓西餐，一个客都冇，由我包场，其实系闲日晚上六点，入座时间尚早啫。㨂咗个靠窗嘅位坐低，再欣赏下餐厅嘅装潢，原来只要点选餐牌主菜，就可以免费任意享用沙律吧，入黎嘅时候已经俾佢深深吸引住…沙律吧有多款菜类选择，而且外观极为吸引，已经急不及待出去拎。沙律吧有杂菜红汤丶蘑菇汤丶芝士粟米粒丶烟熏火腿丶炒椰菜花丶菠萝片丶粗幼薯条丶炸鸡粒，餐包等等，十分丰富。当再次出去拎汤饮，返座位同时，离远已经闻到浓烈嘅炭烧木香味，原来我叫嘅＂炭烧厚切苹果木烟猪腩＂已经送上枱喇！一堆嘢食，一时唔知食边样先，先饮汤，杂菜红汤，清。蘑菇汤，浓郁，茹味出，我钟意。沙律菜新鲜爽脆，食得出高质素。烟猪腩，一刀切落去一睇，厚身半肥瘦，食落外脆，肉质略为偏硬，带有阵阵苹果木烟熏香味，猪肉味浓，好味！有韩烧猪腩肉感觉。随著太阳落山，原来餐厅嘅灯光系极为偏暗，灯光伴美食，静静享用，另有一番情调。