風車

营业中

休息中

自从屯马线开左，嚟大围越嚟越方便，嚟开探朋友，就系附近觅食。一推开门就比盏水晶灯吸引住目光，挺有情怀的。另外餐厅有bar枱，有大电视，相信有波睇果阵会好热闹。嚟紧世界杯，住附近嘅大围居民可以落嚟睇波喇！前菜我哋要咗个烟三文鱼凯撒沙律，三文鱼拼岀花型，有心思，数量都多，菜都爽脆新鲜。另外我哋仲叫咗一杯cocktail一杯mocktail，分别系 cosmopolitan同 cool mint 味道几好，cocktail果汁味重，整体偏甜。如果喜欢酒味重，可能要叫另一款。啡菇黑松露意粉， 上枱是闻到好香黑松露味，但食落就唔浓黑松露味，意粉煮得啱啱好口感一流。来到重头戏，就系荔枝木烟熏乳猪 用胶盖冚住充满神秘感，侍应介绍完同等我哋影埋相先打开，啲烟一出嚟就闻到好香木烟熏味，除咗烟熏乳猪仲可以烟熏牛扒，有惊喜。