意粉屋 (已結業)

朋友都知道我西餐之中最最最中意去帮衬，就系意粉屋，自从旺角中心同信和旁边嘅意粉屋都执咗之后，已经好少落意粉屋，对我黎讲，依家意粉屋地点唔就脚，唔就我自己。点咗两个set，羽衣甘蓝带子汤，酥皮波士顿龙虾汤，原条猪仔骨配脆薯条，带子芝士纽纹粉，牛腹肉意大利饭同珍宝杂锦薄饼。最后点我又爱又恨嘅冻 cappuccino。龙虾汤好好好热，相信原因系焗酥皮，酥皮够脆，波虾汤同带子汤都好浓郁，羽衣甘蓝味饮唔出。原条猪仔骨望上去大大份够台型，但其实食落猪肉份量唔系想像中咁多，够肉味够肉汁唔会干身，不过切猪仔骨果时要小心。杂锦薄饼略嫌饼底厚咗d, 如果薄番少少更理想，牛腹意大利饭同带子纽纽意粉份量唔太多，正系到谂份量会唔会太少之际，当所有食品上哂枱，发觉成个 set 份量好足够，食到胀肚，好彩个饭同意粉份量唔太大，啱啱好。意粉屋嘅冻 Cappuccino 好夹自己口味，但每次饮完都肚唔舒服，其实系自己问题，唔受得奶，又爱又恨！ ~~>_<~~