小田田主題餐廳 (已結業)

我哋上星期去一间叫小田田嘅餐厅食晚餐，食得好开心。我哋叫咗一个香辣森巴酱烤原只美国去骨春鸡$158，佢虽然话叫香辣,但系个辣味系适中好多人都接受到,佢嘅森巴酱好拿手，个酱汁系用不同嘅材料配制，好少机会食到咁有质素嘅酱汁，鸡皮烤得脆卜卜，原只春鸡鲜味无穷，鸡肉嫩滑可口，鸡皮跟鸡肉放在口腔内，有两种口感，配上特制酱汁，其味无穷。食完呢个香口嘅鸡跟住饮咗杯热情草莓奶昔沙冰$30,跟餐系半价$15,呢杯沙冰有草莓嘅香甜,奶味浓郁,奶昔滑溜 ,幼细嘅沙冰,真系冇得弹。德国咸猪手$168,德国嘅品牌咸猪手世界闻名,佢个表皮软滑非常，一啲肥腻都冇，肉质嫩滑可口，佢嘅咸香做得好窝心，真系冇得输。呢个紫薯心太软配雪糕窝夫$ 48，紫薯嘅清甜，香浓奶味嘅雪糕，加上松化嘅窝夫一起吃，其味无穷。另一个烟肉芝士焗蚝$38，焗出嚟烟肉嘅肉香，烟韧得嚟又有咬口，浓滑芝士嘅香，仲有蚝嘅鲜，三种优质材料配合，更能够把蚝嘅鲜味提升到更高境界，令人食后有回味嘅感觉。最后有个玫瑰花茶$26，食完浓味菜式之后，再饮呢个玫瑰花茶，玫瑰嘅幽香，饮后令你心旷神怡。士多啤梨蛋糕，松软非常，既香且甜，加$10妳就可以享用咁有质素嘅甜品。