狗毛3

营业中

休息中

收左工被朋友约黎呢间酒吧餐厅试下，半开放式设计空间感很大，音乐唔会太大声，bar台摆放五颜六色的酒瓶，非常吸引人注意，位子舒适，系个令人放松讲野的地方。首先就叫左个侍应侍推介的脆炸洋葱圈小食，食落真系好甜，连我呢个平时唔食洋葱的人都可以食到一两个洋葱圈，真系比个like佢。再黎就叫左自家制牛肉汉堡，真系份量十足，件汉堡真好厚，食落味道都好好，上枱时无切开，后黎叫侍应帮我地切开都无托手踭，帮我地切开。再叫左个火腿及涷肉拼盘，火腿及冻肉食落味道唔错，不过点解得三片面包，本身D肉比较偏咸，如果可以多几片面包配住黎就更好了。仲叫左个法国蓝青口，入口鲜甜肥美，很新鲜。再黎几杯色彩缤纷的饮料，配搭美食，轻轻松松就过左个愉快的夜晚。