新釗記 (已結業)

   对于我地呢啲老饼，新x记呢类旧式粥粉面荼仔一定认识。话说今日下午迟做完野，2点几唔知食乜好，于是就由金钟行过去湾仔果边觅食。 行到兰杜街时，发现好多人排队。睇真啲原来系烧鸡扒果间专门店。之前晌北角食过都几好食的，但实在太多人了，肚子饿等唔到咁耐，望一望对面间「新钊记」，无人龙，又好耐无食呢类新x记，就是就同我个同事入去坐低。由于过左lunch peak hour，所以侍应们的动作都会较慢，但佢地都好好礼貌。午饭有7-8种选择，我叫左福建炒饭，我同事就叫咗咖哩鱼柳饭。由于未病好所以今日要饮热ｏ茶。不愧为新x记，茶胆果然好味道。野食来了后，望外观已知道不太OK…试食后果然唔掂…炒饭都唔系炒饭，沟少少蛋落去就算数，个汁死咸又好稀…再试一试朋友果个咖哩饭，试完之后马上笑左出黎…咖哩汁好似开水咁，仲衰过大Ｘ活…鱼柳非常之硬… 唔怪之得对面鸡扒排长龙，呢度咁少人啦…希望呢类老牌餐厅可以加油做啦，因为始终个咖啡奶茶得，而修装虽然旧，睇到打扫得好干净。午餐种类少啲都可以，但系落多少少心机做就最好喇。总分：50/100