串カツ専門店

营业中

休息中

几年前日本料理毕业饭，老师第一次带我哋嚟食已经有好大好大嘅感受，亦都因为对日本料理嘅了解多咗，更加知道呢度嘅菜品更正宗！今次再嚟系突登想试佢个蒸生蚝(ˊo̴̶̷̤ ̫ o̴̶̷̤ˋ)首先讲吓个明太子玉子烧，玉子烧加入咗高汤、糖等嘅调味，所以食得出佢质地软滑多汁，淡淡嘅高汤味，配埋芝士明太子口感丰富，我想讲呢个先叫真正嘅玉子烧呀！佢嘅刺身盛都系上乘之作，除咗有Set拣，仲有时令嘅海鲜刺身选择。到咗佢哋嘅炸串啦☺️炸皮好薄好胆，充分保存好入面配料嘅味道，无论入面包嘅系溏心蛋，鸡肉卷定系蔬菜，全部都恰到好处，满分！好啦好啦到个蒸蚝啦，上日本料理堂第一堂教嘅系「旨み」，指嘅系食物独有嘅鲜味，呢个蒸生蚝首要条件系啲蚝一定要新鲜，第二系火候。佢样样都做到哂，蚝处于刚刚内里熟透呈现饱满多汁嘅状态，一口咬落去淡淡嘅鲜味咸味甜味，可以配上佢几款调味又多一番层次享受。