火鍋煮場 (已結業)

身为一个打边炉怪，疫情之下禁止晚市加上不准堂食，对我黎讲真系打击好大，所以当疫情有缓和嘅迹象，加上可以四人一枱兼晚餐准当食，当然要狗冲去打边炉，而我就钟情呢一间小店。我成日觉得牛肉喺一间火锅店真系好重要，不过佢有冇靓牛同比唔比靓𠮶碟你真系同交情有关，不过呢一间就似乎无呢个情况。我仲记得第一次去，问老板边只牛靓啲，佢叫我拣平啲𠮶只鞍格斯，而唔系好似出面𠮶d实叫你要牛颈脊(因为贵啲)，我就觉得呢间舖头好有趣，而且食落去d鞍格斯牛又真系好好味，所以衣家我去亲都只叫鞍格斯。另一样必食嘅就系佢个手打虾丸拼墨鱼丸，食得出真系自家制，因为d丸入面好足料，讲真，出得黎打边炉唔通仲食𠮶啲可以去超市同街市买到嘅货式咩？最后一提，佢d德国啤酒好好饮，出面无乜见过，而且唔知系唔系疫情关系，竟然$10一支，平过饮汽水。