小王牛肉麵 (已結業)

是日我要去沙田连成广场睇医生，睇完医生刚好7点左右；一落到去就系一堆餐厅，所以就打算系连成广场食晚餐。一来方便，二来价钱要比新城市广场既餐厅便宜好多。基本上所有餐厅都曾经试过晒，除了小王牛肉面；之前因为要排队所以放弃了，今次唔驶排队所以秒速决定食小王入到去位置都颇多，但系有点儿逼（如果二人台的话）；我嗌了全牛筋牛肉面，而男友嗌了经典：肉燥饭除此之外，我地仲嗌了咸酥鸡、甘梅地瓜条以及凉拌青瓜全筋牛肉面（幼面）：佢啲牛筋非常软！喜欢牛筋既朋友唔会想错过；而且佢既汤底系鲜甜好饮既，面既粗度刚刚好，非常赞！肉燥饭：份量比台湾既要大碗，而且有一整颗卤水蛋；肉燥好满，送饭非常惹味，而且饭香也是足既，多一个赞！咸酥鸡：份量有啲细，但系价钱系食过咁多间台菜最合理既一间；而且有隔过油，上菜时唔会太油腻，唔错！甘梅地瓜：最抵赞既小食。话说台湾夜市超便就有一大袋；当然香港就无，份量虽少但系真系好似得小王有甘梅地瓜！台湾田地瓜炸过后配上甘梅粉，带有轻微酸味，好好味，我挚爱凉拌青瓜：唔系四川style，只系淋啲芝麻酱，所以普通，下次唔会叫除此之外，整体体验非常好！之前有试过玖五牛肉面；虽然两个各有千秋，但论分店