荔香園冰室 (已結業)

𠮶晚同朋友嚟到旺角嘅呢间怀旧冰室食晚餐，本身朋友一心欢喜想试佢嘅芝士流心西多士，结果系我哋落单差唔多10分钟后先有侍应走出来讲话唔好意思冇晒，由于最想食嘅𠮶样嘢冇得食当然个心系沉一沉，但侍应都好好礼貌，而且仲话免费俾我哋拣一个小食（一开始话免费之后话收返我哋西多士𠮶个价但出单又系免费，唔知佢系咪内心都打紧仗呢）嘢饮方面，自从返工之后就觉得好疲乏，会更加想喺收工嘅时候饮可乐，唔知大家有冇同感呢？𠮶日我就叫咗可乐，点知！可乐都冇晒，于是我就拣咗个抹茶红豆冰，味道都唔错嘅。虽然𠮶日真系叫咩冇咩，而且等候时间系非常非常非常耐，但基于最想食嘅嘢未食到，我都系会再去帮衬。同埋环境不得不说系我钟意𠮶种怀旧风味呢。