勁回味

营业中

休息中

最近好似掀起左呢个手卷潮😂为左潮圣其他地方嘅手卷潮，我地决定先去尖东食好耐冇食嘅劲回味，然后同其他再作比较！大半年前食过真系好回味！所以决定要返黎回味下！依然系无时无刻都咁多人🙈星期三大约晚上七点到，有十几二十人排紧队等攞手卷！好多人呢！加拿大海胆手卷💰HKD50男朋友想要半板果只海胆手卷，但叫错左呢个🙈然后不停批评人地咁少海胆😂蠢😂味道方面，海水味够重，有海胆嘅甜味，冇苦涩味，整体上都系新鲜、系正嘅！不过感觉上第一次好食啲！由于海胆手卷先拎，为左等埋另一个手卷，搞到紫菜完全腍晒，影响晒口感！建议大家即食，否则就会令紫菜变腍了。三文鱼腩手卷💰HKD20厚切三文鱼腩！正！成个手卷size唔大，所以显得啲三文鱼更大块、更厚实，毫无冰鲜感！我觉得呢个价钱真系几扺！不过我都系觉得第一次食好食啲，冇得解，纯粹感觉。另外，紫菜亦未见香脆，同大半年前黎食一样，仍然系败笔之处。实在太多人了，个人认为等得都比较耐。如果只食一个廿蚊手卷等咁耐，感觉上好唔值，不过即叫即整，加上刺身新鲜、丰富，确实令人感到劲回味。