色彩泰國菜

营业中

休息中

星期五晚决定星期六去食， 心想大家都会返大陆消费，所以就冇订台。而对于一个住港岛嘅人， 真系完全唔识路， 所以都系搭的士去， 估唔到就连司机哥哥都唔识， 哈 （下次有人搭的士记得话系新田7-11落）去到， 果然系唔多人， 但笃笃车包厢就已经full booking, 问过老板都话要等都会等好耐下。咁冇计， 坐低用手机点野食， 我分3样嘢黎评分。1. 食物： 好食， 我唔系什么食评家， 但哩度野食系好食， 炒嘅火候亦够， 除左蟹肉奄列食唔到蟹肉味之外。2. 环境： 其实坐得几舒服，环境亦都不错， 但可能室内冇窗嘅关系，啲声困住晒喺里面， 其他枱嘅人讲嘢就好应声， 啱啱我隔篱𠮶台有个女人坐正喺我隔篱，就嘈到我同女朋友都唔想讲嘢，仲要后面有一台男人都系好嘈。3. 服务： 其实大部份人服务态度都唔错，只系个别有啲职员态度真系比较差，回答你都系比较晦气 + 求其。