博多拉麵別天神 (已結業)

2020年第一日返工要对自己好啲，所以就去咗食博多拉面别天神，佢嘅拉面真系好正宗好似去咗日本食嘅一样，门口系用自动贩卖机买券，再交俾店员会自动送上拉面同小食，同日本一模一样嘅系有自助冰水同冰麦茶，我冰麦茶好好饮，我叫咗别天神套餐，有一碗叉烧拉面同埋四只饺子，碗面好大碗食完劲饱，汤底奶白色好浓猪骨味，另外有原只糖心蛋非常之正，叉烧方面系有在每一片再烧过嘅有个浓浓的焦香味，面质爽口弹牙，另外饺子系椰菜猪肉饺子，正宗日本饺子嘅味道，无可挑剔！店舖最特别嘅系座位顶层有一排Temple纸巾俾客人使用，其实都相当揼本👍🏻