The Starred

营业中

休息中

话说，之前食过两次(晚餐同下午茶时段) 都觉得好味又抵食，所以有时都心思思想再试下，话晒个餐牌有咁多选择，可能仲有正野未试到，所以又黎食喇，今次系假日既中午十二点。职员表示用膳时间有一小时十五分钟，无人可以继续坐。我地对佢既汤好有信心，之前饮过虾汤，紫椰菜汤都好正，今次就试紫心蕃薯汤。果然无失望，好正，好香蕃薯味好creamy, 咸度刚好，个色好靓，食欲大增！上次试过炖牛面肉，今次试炖牛尾。牛尾入晒味，但有略嫌个汁底太咸，那实左 d肉。伴碟红萝卜亦煮得足时间。我跟糙米饭，唔系咩特别节日都有个心型同埋只碟都好靓！朋友食猪鞍，好大碟新鲜有肉味，可惜部份位置略鞋！个汁正常。朋友配意粉，用橄榄油煮过。提外话，我本时有补充唔同既初榨冷压油，其实适当地补充优质食油，对身体真系好有益处嫁！讲番个意粉质地ok 既，但个橄榄油就唔够果香喇。我地两日食左半碟到，职员已经递上牙签盒同写餐饮，饮品到时枱面差不多都唔够位放。讲真，百几蚊一个lunch, 想坐耐少少。今次选既食物无之前咁惊喜之余，而且有些被催既感觉，所以，原来唔同时段黎客人既感觉系会唔同既，今次就扣 d分喇！