豚王 (V Point)

营业中

休息中

豚王今次系第一次食，同出面大部分拉面店都系一样，自己填拉面纸，首先系选择自己钟意嘅汤底同浓度，跟住系选择配菜，再拣边一款面，就系选择面质嘅软硬度，最后系其他配料。如果你系有选择困难症嘅朋友，纸上面有一个选择系，交俾厨师去决定又或者拣今日推介，咁就唔会怕每次食亲都系同一款。如果唔清楚汤底系咩味道嘅朋友，餐牌上边有汤底嘅介绍，方便第一次食嘅朋友去睇清楚先再拣返自己嘅喜好。我就拣左黑玉，姐系黑蒜油汤底，普通浓度，好有报嘅系汤中间有一个球状物体，果个系汤浓度嘅精粹，捞匀左之后个汤真系超好味，而且拉面个硬度真系岩我口味。男朋友就拣左赤玉，中意食辣嘅朋友应该会几中意食，因为我觉得几辣，但呢种辣唔系呛喉个款辣，系好好食个款辣。追加左糖心蛋，呢个糖心蛋真系超级无敌好味。