影片
更多
2014-01-20
5886 浏览
减左两日肥，突然好想食北京填鸭，但星期五一定人多，揾下揾下就见到呢间新店，就打电话订位碰运气。 接线的本来话订位已满；突然换另一人接线，叫我留下电话等佢打去问其他已订位的会唔会取消订位。 好好啊~我落场时间再打去问，真系帮我留到位！Lucky~订左晚上6:30, 以为算早，点知上到去八成满？！因为地方都真系几细下，其实坐几枱已经好FULL坐低第一时间同枱底的金鱼Say个Hi先~再嚟睇下本Menu同环境，唔错，感觉如果食物唔OK当食装修都可以接受。我家两老过左一阵就到。系冇我带领之下佢地都嚟到证明呢度相当易揾。本来我地3个坐张二人圆枱，侍应见当时仲有吉嘅4人枱，就叫我地搬过去。好好啊~我觉得有家嘅感觉~我地之后叫左四喜烤麸、大葱羊肉水饺、北京填鸭同慈禧牛肉手擀面 (本来仲想叫个拔丝士多啤梨但真系太饱食唔落)等上菜时品茶。大麦茶很香，好奇打开茶壶睇下…弊！有花！我成家都唔饮得花茶会晕。(好彩得几朵花唔系成壶都系，大家食完饭都只系攰攰地，冇晕到)四喜烤麸: 中规中矩，正常的烤麸，叫呢个贪佢有菇有豆开胃D，对我嚟讲油腻左，但如果佢唔系咁吸油就唔系烤麸啦大葱羊肉水饺: 有羊肉香，但怕膻味的朋友应
订左晚上6:30, 以为算早，点知上到去八成满？！
因为地方都真系几细下，其实坐几枱已经好FULL
坐低第一时间同枱底的金鱼Say个Hi先~
再嚟睇下本Menu同环境，唔错，感觉如果食物唔OK当食装修都可以接受。
我家两老过左一阵就到。系冇我带领之下佢地都嚟到证明呢度相当易揾。本来我地3个坐张二人圆枱，侍应见当时仲有吉嘅4人枱，就叫我地搬过去。
好好啊~我觉得有家嘅感觉~
我地之后叫左四喜烤麸、大葱羊肉水饺、北京填鸭同慈禧牛肉手擀面 (本来仲想叫个拔丝士多啤梨但真系太饱食唔落)等上菜时品茶。大麦茶很香，好奇打开茶壶睇下…弊！有花！我成家都唔饮得花茶会晕。(好彩得几朵花唔系成壶都系，大家食完饭都只系攰攰地，冇晕到)
四喜烤麸: 中规中矩，正常的烤麸，叫呢个贪佢有菇有豆开胃D，对我嚟讲油腻左，但如果佢唔系咁吸油就唔系烤麸啦
大葱羊肉水饺: 有羊肉香，但怕膻味的朋友应该都可以接受的。水饺不错，咬落去水饺皮内有汤汁。 呢个味道好分明: 有羊肉香而不膻，又有少少0既葱香同孜然味
北京填鸭: 少许失望，半只鸭但点解我觉得呢度好似得个鸭胸/例牌份量咁？冇理由只鸭嘅脂肪每个部份都咁平均分布挂。因为我地得到嘅部份太瘦，我家两老有D唔高兴…另外，京葱系切条，如果系切/刨丝会香D
慈禧牛肉手擀面: 呢餐比较欣赏的会系呢个面。个面身好易断，但又好弹牙；汤头似红烧牛肉，但又比较清香D；牛展比较逊色，制作牛展唔难，应该同用料有关
呢餐食左$510蚊连茶钱，服务态度好，食物可以更好。就如一开始嘅心态，呢餐当食装修啰。
张贴
