R&B (已結業)

话说朋友推介话呢间餐厅好食，𠮶位朋友都有在场一齐去。连朋友都话好后悔推介咗呢间餐厅⋯⋯首先入门口前职员提醒咗一句，每人最低消费$100 。一行四人朋友到咗叫咗嘢食唔够3分钟，职员行返过嚟话：你哋系未够数㗎记住要再嗌⋯⋯好啦，我就体谅佢，当疫情下饮食业难做嘅提醒。•叫咗浓虾蟹肉意粉、蒜香黑松露薯条、海苔蜜糖鸡翼、墨西哥芝士粟米家，一个布朗尼甜品。蟹肉意粉系几好食嘅，黑松露薯条都好香。另外𠮶几个人嘢都还可以，净系觉得粟米有少少唔系咁抵食。•用餐嘅过程中，因为我唔饮得餐厅嘅生水，所以拎咗自己既保温壶出嚟饮水。职员过嚟问：唔好意思，想问吓你个壶入面嘅系咪水定系饮品？我话：哦系水嚟㗎。职员行开咗唔够5分钟又返过嚟讲老板唔肯定个水壶入面系咪水，就要求我倒出嚟⋯⋯𠮶吓挂住倾偈，又真系倒落个杯度。其后我哋一行四人真系觉得好唔尊重客人。我哋都明白职员嘅难处，同埋职员都好好地为我哋安排座位。但系实在唔理解餐厅嘅老板究竟系乜嘢意思？虽然系不准带外来饮食，咁但系保温壶入面可以系啲乜嘢呢？台式饮品？既然系咁嘅不如老板亲自过嚟，望一望保温壶入面嘅系咪水？做得饮食业，其实会唔会识得尊重客人，同埋对我哋有基本嘅信任。