土生花 (已結業)

听闻餐厅嘅装修非常精巧，喺 社交平台 send message订位好快有回覆，其实主要目的系想睇餐厅嘅设计，食物系其次。安排坐咗喺酒吧旁边嘅卡位，寛躺舒适，有舒适柔和嘅灯光，气氛宁静，布置以白木为主，手工精致，精心设计，非常之有艺术气质。本身平时都喜爱素食，两个人都系拣四道菜嘅套餐，本人再加埋wine pairing，再加多一味三色薄饼。服务方面大致上ok，关于wine pairing嘅问题都解释得清楚，不过wine方面就唔好期望过高，Set Menu以外加多道菜亦都讲清楚几时上。因为系寺庙嘅素食，唔好期望有咩味觉上嘅刺激，一般都比较淡口，但系每道菜都算有板有眼，视觉上可以满足，只系觉得每道菜之间冇乜唞气位，嚟得有啲赶，所有嘢都好似预先整定咁，转个头好快就上下一道菜，既然系修身之地，又何必咁急呢⋯⋯ 整体嘅经验都觉得几特别，服务唔错，不过侍应可以再人性化少少，令到呢间设计咁特别嘅餐厅增添一点儿神韵。