Burgeroom (美麗華廣場1期) (已結業)

尖沙咀美丽华有一间食汉堡包，又有酒饮嘅餐厅，觉得真系好特别，一入到去，就见到每个客人嘅汉堡包都超大，感觉更吸引。 睇下餐牌先 之后就要由QR Code落单啦！ 菠萝烧烤酱牛肉汉堡🍔$98酸瓜+$10/炒滑蛋+$20/ 烟肉+$10加左咁多样嘢，侍应姐姐都忍唔住话加左咁多嘢，好高。 宜家面包里面夹住滑蛋、烟肉🥓汉堡扒、菠萝🍍酸青瓜🥒厚切紫洋葱、番茄🍅同生菜。面包两边都有落牛油烘，所以好香脆。炒滑蛋唔系茶记主打有好多奶，或者好多油嘅效果，可以话有少少鞋，不过果少少未够滑嘅滑蛋，放汉堡包反而适合，因为汉堡扒同菠萝好多汁，多蛋汁嘅滑蛋应该会合唔埋。当攞起竹签嘅时候，就知道点解呢度主打食汉堡包，都要俾刀叉🍴你就算拍到个包点扁都好，个口都唔会咬到，最后真系要刀叉🍴最后烧烤酱滴埋落薯条度，连茄汁都唔洗点。 直薯条+$35直但粗嘅薯条，有啲部分仲见到有皮，系薯仔切出来嘅感觉。 奇异果汁+ $15奇异果汁酸酸甜甜，真系似鲜榨，食啲咁Heavy 嘅汉堡包，真系要啲清爽嘅感觉。